वाणी कपूरची वेबसीरीज ‘मंडाळा मर्डर्स’ ओटीटीवर प्रदर्शित होण्याच्या तयारीत आहे, आणि जशी आपल्याला पंकज त्रिपाठी यांची ‘क्रिमिनल जस्टीस: अ फैमिली मॅटर’ पाहताना उत्सुकता होती, तशीच उत्सुकता या मालिकेसाठीदेखील आहे.
‘मंडाळा मर्डर्स’ या आठवड्यात प्रदर्शित होणार आहे. वाणी कपूरसोबत सुरवीन चावला आणि श्रिया पिळगावकर देखील मुख्य भूमिकेत आहेत. मालिका मंडाळामध्ये घडणाऱ्या हत्या आणि त्यांच्या मागील गूढतेभोवती फिरते. गुप्त समाज, पंथ आणि बळी देण्याच्या कथानकामुळे प्रेक्षकांमध्ये कुतूहल निर्माण झाले आहे.
परंतु, ‘मंडाळा मर्डर्स’ एकटीच अशा प्रकारची वेबसीरीज नाही जीने प्रेक्षकांची उत्सुकता वाढवली आहे. अलीकडेच काही अजून हिंदी प्रोजेक्ट्स प्रदर्शित झाले आहेत, जे त्यांच्या वेगळ्या आशयामुळे चर्चेत राहिले आहेत.
—
हत्येच्या कथाभूमीवर आधारित गाजलेले हिंदी प्रोजेक्ट्स
क्रिमिनल जस्टीस: अ फैमिली मॅटर
या सीझनमध्ये पंकज त्रिपाठी पुन्हा एकदा माधव मिश्राच्या भूमिकेत परतले. हे त्यांचे सर्वोत्कृष्ट कामगिरींपैकी एक मानले जाते. या सीझनची तुलना के के मेनन यांच्या ‘स्पेशल ऑप्स २’ शी होत आहे. सीझनची सुरुवात हत्येच्या घटनेने होते आणि शेवट तर प्रेक्षकांना खिळवून ठेवतो.
छळ कपट
श्रिया पिळगावकर हिची पोलीस अधिकारी म्हणून पहिलीच भूमिका असलेली ही मालिका, खूनाच्या प्रकरणाने सुरू होते. नऊ संशयित आणि एक गुंतागुंतीचा कट… हा सारा खेळ आहे फसवणुकीचा.
डिटेक्टिव शेरदिल
दिलजीत दोसांज याचा सिनेमा ‘डिटेक्टिव शेरदिल’ याची सुरुवातही खुनाने होते. मात्र मृत व्यक्ती श्रीमंत असल्याने प्रकरण अधिक गुंतागुंतीचे होते. दिलजीतची एक वेगळीच गुप्तहेराची भूमिका पाहायला मिळते. हा सिनेमा त्याच्या आगामी ‘सरदार जी ३’ आधीच प्रदर्शित झाला होता.
३६ डेज
नेहा शर्मा हिची वेबसीरीज ‘३६ डेज’ काही काळापूर्वी चर्चेत होती. एक आकर्षक, एकटी महिला जी परिसरातील सर्व पुरुषांचे लक्ष वेधून घेते, आणि अचानक एक खून होतो… आणि तीच ठरते मुख्य संशयित. पण खरा गुन्हेगार कोण?
हनीमून फोटोग्राफर
एक जोडपे त्यांच्या हनीमूनसाठी फोटोग्राफर भाड्याने घेतं. पण नवरा अचानक मरण पावतो. चौकशीत एक मोठा खुलासा होतो – की तो फोटोग्राफर म्हणजे त्याची पूर्वीची प्रेयसी! प्रकरण अधिकच गुंततं आणि हनीमून फोटोग्राफर होते या खुनाची मुख्य संशयित.