एसोसिएशन फॉर डेमोक्रेटिक रिफॉर्म्स (ADR) च्या अहवालानुसार देशातील एकूण 643 मंत्र्यांपैकी 36 मंत्री कोट्यधीश असून तब्बल 6% मंत्र्यांकडे 100 कोटींहून अधिक मालमत्ता आहे. यामध्ये आंध्र प्रदेशातील तेलुगू देशम पार्टीचे (TDP) डॉ. चंद्रशेखर पेम्मासानी हे भारतातील सर्वात श्रीमंत मंत्री ठरले आहेत. त्यांच्या मालमत्तेची एकूण किंमत 5705 कोटी रुपयांपेक्षा जास्त आहे.
सर्वात श्रीमंत मंत्री कोण?
643 मंत्र्यांपैकी 36 मंत्री अरबपती आहेत. सर्व मंत्र्यांची जाहीर मालमत्ता मिळून 23,929 कोटी रुपयांपेक्षा जास्त आहे. यामध्ये सर्वात वर TDP चे डॉ. पेम्मासानी असून ते आंध्र प्रदेशच्या गुंटूर येथून आहेत. त्यांच्याकडे 5705 कोटींपेक्षा जास्त संपत्ती असून त्यांच्यावर 1038 कोटींपेक्षा जास्त कर्जही आहे.
दुसऱ्या क्रमांकावर काँग्रेसचे डीके शिवकुमार असून त्यांच्याकडे 1413 कोटी रुपयांची संपत्ती आहे.
—
देशातील टॉप 10 श्रीमंत मंत्री
क्रमांक मंत्री संपत्ती पक्ष मतदारसंघ/राज्य
1 डॉ. चंद्रशेखर पेम्मासानी ₹5705 कोटी+ TDP गुंटूर (आंध्र प्रदेश)
2 डीके शिवकुमार ₹1413 कोटी+ काँग्रेस कनकपुरा (कर्नाटक)
3 नारा चंद्राबाबू नायडू ₹931 कोटी+ TDP कुप्पम (आंध्र प्रदेश)
4 नारायण पोंगुरु ₹824 कोटी+ TDP नैल्लोर सिटी (आंध्र प्रदेश)
5 सुरेशा बीएस ₹648 कोटी+ काँग्रेस हेब्बल (कर्नाटक)
6 गद्दम विवेकानंद ₹606 कोटी+ काँग्रेस चेन्नूर (तेलंगणा)
7 नारा लोकेश ₹542 कोटी+ TDP मंगलगिरी (आंध्र प्रदेश)
8 मंगल प्रभात लोढा ₹447 कोटी+ भाजप मालाबार हिल्स (महाराष्ट्र)
9 पोंगुलेटी श्रीनिवास रेड्डी ₹433 कोटी+ काँग्रेस पलायर (तेलंगणा)
10 ज्योतिरादित्य सिंधिया ₹424 कोटी+ भाजप गुना (मध्य प्रदेश)
—
कोणत्या राज्यात सर्वाधिक श्रीमंत मंत्री?
कर्नाटकमध्ये सर्वाधिक 8 मंत्री श्रीमंत आहेत. त्यानंतर आंध्र प्रदेशात 6, महाराष्ट्रात 4 मंत्री, अरुणाचल प्रदेश, दिल्ली, हरियाणा आणि तेलंगणात प्रत्येकी 2 मंत्री, तर गुजरात, हिमाचल प्रदेश, मध्य प्रदेश आणि पंजाबमध्ये प्रत्येकी 1 मंत्री श्रीमंत आहेत.
कोणत्या पक्षात सर्वाधिक श्रीमंत मंत्री?
भाजपमध्ये सर्वाधिक 14 श्रीमंत मंत्री आहेत. काँग्रेस 11 मंत्र्यांसह दुसऱ्या क्रमांकावर आहे. TDP चे 6 मंत्री कोट्यधीश आहेत. शिवाय, आप, जेडीएस, शिवसेना आणि राष्ट्रवादी काँग्रेसमध्येही श्रीमंत मंत्र्यांचा समावेश आहे.
