जुबिन गर्ग यांच्या निधनाने संगीतसृष्टीत शोककळा; अनेक गायक-कलाकारांनी वाहिली श्रद्धांजली
52 वर्षीय लोकप्रिय गायक जुबिन गर्ग यांच्या निधनाच्या वृत्ताने बॉलिवूडसह संपूर्ण संगीतसृष्टी हादरली आहे. ‘या अली’ या गाजलेल्या गाण्याने चाहत्यांच्या मनावर अधिराज्य गाजवणारे जुबिन शुक्रवारी सिंगापूरमध्ये स्कुबा डायव्हिंगदरम्यान जगाचा निरोप घेतले. ते तेथे 20 सप्टेंबर रोजी होणाऱ्या नॉर्थ ईस्ट फेस्टिव्हलमध्ये परफॉर्म करणार होते.
संगीतक्षेत्रात दु:खाची लाट
या धक्कादायक घटनेनंतर प्रीतम दा, शान, पैपोन, विशाल मिश्रा, आदिल हुसैन, अरमान मलिक आदी अनेक कलाकारांनी जुबिनला आठवत सोशल मीडियावरून श्रद्धांजली अर्पण केली.
प्रीतम दा यांनी लिहिले: “जुबिनने अपघातात आपले प्राण गमावले ही अतिशय वेदनादायक बातमी आहे. त्यांच्या कुटुंबीयांसोबत मी आहे. ओम शांती.”
शान यांनी भावना व्यक्त करत म्हटले: “जुबिन खरोखरच राजा होता. त्याने आपलं आयुष्य स्वतःच्या नियमांवर जगलं. मला खेद आहे की इतक्या चांगल्या मित्राशी मी संपर्कात नव्हतो. आमच्या खूप सुंदर आठवणी आहेत.”
पैपोन यांनी लिहिले: “ही अत्यंत धक्कादायक बातमी आहे. तू अनेक पिढ्यांचा आवाज होतास. खूप लवकर निघून गेलास मित्रा, शब्दच नाहीत.”
आदिल हुसैन यांनी श्रद्धांजली अर्पित करत म्हटले: “असमच्या संगीत आणि संस्कृतीत त्यांचे योगदान अमूल्य आहे. ते नेहमीच आमच्या हृदयात जिवंत राहतील.”
अरमान मलिक यांनी दुःख व्यक्त करत म्हटले: “मी पूर्णपणे तुटलो आहे. देव त्यांच्या आत्म्यास शांती देवो.”
विशाल मिश्रा, विशाल ददलानी आणि असमची अभिनेत्री परिणीता बोरठाकूर यांनीही
शोक व्यक्त केला.
