मुंबई : मध्य रेल्वेच्या मुंबई विभागात रविवार, 5 ऑक्टोबर 2025 रोजी नियमित देखभाल आणि अभियांत्रिकी कामांसाठी मेगा ब्लॉक घेण्यात येणार आहे. तसेच शनिवार-रविवारच्या मध्यरात्री (4/5 ऑक्टोबर) भायखळा स्थानकावर विशेष ट्रॅफिक ब्लॉक ठेवण्यात आला आहे. रेल्वे प्रशासनाने या काळातील बदललेल्या गाड्यांच्या वेळापत्रकाची व रद्द झालेल्या सेवांची माहिती प्रसिद्ध केली आहे.
रेल्वे प्रशासनाने सांगितले की, प्रवाशांच्या सुरक्षिततेसाठी आणि पायाभूत सुविधांच्या दुरुस्तीसाठी हे ब्लॉक आवश्यक आहेत. प्रवाशांना होणाऱ्या गैरसोयीबद्दल प्रशासनाने दिलगिरी व्यक्त केली आहे.
—
मेगा ब्लॉक कुठे राहणार?
मध्य रेल्वेच्या उपनगरीय मार्गांवर रविवार, 5 ऑक्टोबर 2025 रोजी खालीलप्रमाणे ब्लॉक राहील :
माटुंगा – मुलुंड (अप आणि डाउन धीम्या मार्गावर)
वेळ : 11.05 ते 15.55
छत्रपती शिवाजी महाराज टर्मिनस (CSMT) वरून 10.14 ते 15.32 दरम्यान सुटणाऱ्या डाउन धीम्या मार्गावरील गाड्या माटुंगा–मुलुंड दरम्यान डाउन जलद मार्गावर वळवल्या जातील.
या गाड्या शीव, कुर्ला, घाटकोपर, विक्रोळी, भांडुप आणि मुलुंड येथे थांबतील आणि पुढे मुलुंडवरून पुन्हा धीम्या मार्गावर जातील. या गाड्या सुमारे 15 मिनिटे उशिराने पोहोचतील.
ठाणेवरून 11.07 ते 15.51 दरम्यान सुटणाऱ्या अप धीम्या मार्गावरील गाड्या मुलुंड–माटुंगा दरम्यान अप जलद मार्गावर वळवल्या जातील.
या गाड्या मुलुंड, भांडुप, विक्रोळी, घाटकोपर, कुर्ला आणि शीव येथे थांबतील व माटुंग्यावरून पुन्हा धीम्या मार्गावर जातील. गाड्या नियोजित वेळेपेक्षा सुमारे 15 मिनिटे उशिरा पोहोचतील.
—
हार्बर लाइन आणि ट्रान्स-हार्बर लाइन
पनवेल – वाशी विभाग (पोर्ट लाइन वगळून)
वेळ : 11.05 ते 16.05
पनवेलवरून 10.33 ते 15.49 दरम्यान सुटणाऱ्या CSMTकडे जाणाऱ्या अप हार्बर सेवा आणि
CSMTवरून 09.45 ते 15.12 दरम्यान सुटणाऱ्या बेलापूर/पनवेलकडे जाणाऱ्या डाउन हार्बर सेवा रद्द राहतील.
ट्रान्स-हार्बर मार्ग
पनवेलवरून 11.02 ते 15.53 दरम्यान सुटणाऱ्या ठाण्याकडे जाणाऱ्या अप सेवा व
ठाण्यावरून 10.01 ते 15.20 दरम्यान सुटणाऱ्या पनवेलकडे जाणाऱ्या डाउन सेवा रद्द राहतील.
ब्लॉकदरम्यान CSMT–वाशी दरम्यान विशेष गाड्या चालवल्या जातील. तसेच ठाणे–वाशी/नेरुळ दरम्यान ट्रान्स-हार्बर मार्गावर सेवा सुरू राहतील. पोर्ट लाइनवरील सेवा नेहमीप्रमाणे सुरू राहतील.
—
विशेष ट्रॅफिक ब्लॉक – भायखळा स्थानक
तारीख : 4/5 ऑक्टोबर 2025 (शनिवार/रविवार मध्यरात्री)
वेळ : रात्री 00.30 ते पहाटे 04.30
ब्लॉक विभाग : परळ (वगळून) – भायखळा (समावेश करून) दरम्यान अप जलद मार्गावर
या काळात भायखळा स्थानकावर DSS पॉइंट क्र.127A चे 52 किलो विभागातून 60 किलो विभागात रूपांतर करण्याचे काम केले जाईल.
ब्लॉकमुळे गाड्यांवरील परिणाम
शॉर्ट टर्मिनेशन:
गाडी क्र. 11020 (भुवनेश्वर–CSMT कोणार्क एक्सप्रेस)
गाडी क्र. 12810 (हावडा–CSMT एक्सप्रेस)
या दोन्ही गाड्या दादर स्थानकावरच थांबवल्या जातील.
काही मेल/एक्सप्रेस गाड्या व विशेष गाड्या (असल्यास) परिचालनाच्या गरजेनुसार नियंत्रित, शॉर्ट टर्मिनेट किंवा उशिराने पोहोचतील.
—
रेल्वे प्रशासनाने स्पष्ट केले आहे की, सुरक्षितता व पायाभूत सुविधा दुरुस्तीसाठी हा मेगा ब्लॉक अत्यावश्यक आहे आणि प्रवाशांना होणाऱ्या गैरसोयीबद्दल ते दिलगीर आहेत.
