डलासच्या दिशेने जात असताना भीषण अपघात
हैदराबाद येथील वेंकट नावाच्या व्यक्तीचा संपूर्ण परिवार अमेरिकेत सुट्टीसाठी गेला होता. अटलांटा येथील नातेवाइकांना भेटून डलासला परत जात असताना त्यांच्या कारला विरुद्ध दिशेने येणाऱ्या मिनी ट्रकने जबरदस्त धडक दिली. या धडकेनंतर कारला भीषण आग लागली आणि कारमध्ये असलेले वेंकट, त्यांची पत्नी तेजस्विनी आणि त्यांचे दोन लहान मुलं जिवंत जळून मृत्युमुखी पडले.
अमेरिकेत हैदराबादच्या कुटुंबावर काळाचा घाला
अपघात इतका भीषण होता की कार पूर्णपणे आगीच्या भक्ष्यस्थानी गेली. मृतदेह ओळखता येणार नाहीत इतके जळाले आहेत. त्यामुळे मृतांची ओळख पटवण्यासाठी डीएनए तपासणी केली जात आहे. तपासणी पूर्ण झाल्यानंतर मृतदेह नातेवाइकांच्या ताब्यात दिले जातील.
मृतांची ओळख पटवण्यासाठी डीएनए चाचणी सुरू
या भीषण दुर्घटनेनंतर स्थानिक अधिकाऱ्यांनी घटनास्थळी धाव घेऊन कारमधून चारही मृतदेह बाहेर काढले. जळालेल्या अवस्थेमुळे ओळख शक्य नसल्याने शवविच्छेदन व डीएनए टेस्ट सुरू आहे.
अपघाताचा तपशील अद्ययावत होत आहे
ही घटना रविवारी घडली असून, या प्रकरणाचा तपास सुरू आहे. संबंधित स्थानिक यंत्रणा व भारतीय दूतावासाकडून अधिक माहिती गोळा केली जात आहे. वेंकट यांचा परिवार अमेरिका दौऱ्यावर गेला होता आणि दुर्दैवाने या दुर्घटनेत आपला जीव गमावावा लागला.
