कृतीका मॅथ्यू – एक प्रेरणादायी फिटनेस योद्धा

कृतीका मॅथ्यू ह्या आज भारतातील प्रसिद्ध IFBB प्रो महिला बॉडीबिल्डर म्हणून ओळखल्या जातात. पण त्यांचा प्रवास हा सुरुवातीपासूनच सोपा नव्हता. एकेकाळी ज्या कृतीका जाड होती, त्या आज सुपरफिट आहेत आणि लाखोंसाठी प्रेरणास्थान बनल्या आहेत.

फिटनेसकडे त्यांचा प्रवास हा केवळ एक शारीरिक बदल नव्हे, तर मानसिक आणि जीवनशैलीतील परिवर्तनाचा आदर्श आहे. अथक मेहनत, जबरदस्त फोकस आणि अपार जिद्द यामुळेच त्यांनी स्वतःला एका फिटनेस आयकॉनमध्ये रूपांतरित केले.

आज कृतीका अनेक सेलिब्रिटींची ट्रेनर आहेत आणि फिटनेस इंडस्ट्रीमध्ये त्यांचे मोठे नाव आहे. त्या महिलांना विशेषतः सांगतात की, “वजन उचलणे म्हणजे फक्त पुरुषांसाठी नाही, महिलांसाठीही ते अत्यंत महत्त्वाचे आहे.” त्यांचा विश्वास आहे की फिट राहणं म्हणजे केवळ सौंदर्य नव्हे, तर आरोग्य, आत्मविश्वास आणि सामर्थ्याचं प्रतीक आहे.

कृतीका अनेक राष्ट्रीय व आंतरराष्ट्रीय ब्रँड्सच्या अ‍ॅम्बेसेडर आहेत आणि त्यांनी फिटनेस आणि वेटलिफ्टिंगमध्ये अनेक विक्रम प्रस्थापित केले आहेत. त्यांची कारकीर्द ही भारतातील महिला फिटनेस क्षेत्रासाठी एक प्रकाशस्तंभ आहे.

“प्रत्येक भारतीय फिट व्हावा” ही त्यांची मनापासूनची इच्छा आहे. त्यांच्या मते, जेव्हा स्त्रिया शारीरिकदृष्ट्या सक्षम होतील, तेव्हा फक्त त्यांच्या कुटुंबालाच नव्हे तर संपूर्ण राष्ट्रालाच ताकद मिळेल.

कृतीका मॅथ्यू यांचा “फॅट टू फिट” प्रवास हा नव्या पिढीच्या प्रत्येक मुलीने आणि महिलेनं पाहावा असा आहे — कारण तो प्रवास आहे जिद्दीचा, स्वप्नांचा आणि खऱ्या अर्थाने सशक्त भारताचं स्वप्न घडवणाऱ्या एका स्त्रीचा.

संपूर्ण भारतासाठी एकच संदेश – फिट व्हा, स्ट्रॉंग बना, आणि स्वतःचं आयुष्य घडवा!