राजनाथ सिंह म्हणाले की, भारतीय लष्कराने अचूकता, दक्षता आणि संवेदनशीलतेने ही कारवाई केली आहे. आपल्या ठरवलेल्या उद्दिष्टांवर निशाणा साधत त्या पूर्णपणे नष्ट केल्या आहेत. यावेळी सामान्य नागरिकांना कोणताही त्रास न होईल, याचीही पुरेपूर काळजी घेण्यात आली.
हनुमान आणि अशोकवाटिकेचा दाखला
राजनाथ सिंह पुढे म्हणाले की, पंतप्रधान नरेंद्र मोदी यांनी लष्कराला पूर्ण ताकद दिली असून त्याबद्दल त्यांचे अभिनंदन करतो. आम्ही हनुमानजींच्या त्या आदर्शाचे पालन केले आहे, जसे त्यांनी अशोकवाटिकेत फक्त दोषींवरच प्रहार केला होता. “जिन मोहि मारा, तिन मोहि मारे”, अशा तत्त्वानुसार आम्हीही केवळ गुन्हेगारांना लक्ष्य केले.
त्यांनी सांगितले की, ‘ऑपरेशन सिंदूर’ अंतर्गत आमच्या लष्कराने यापूर्वीप्रमाणेच याही वेळेस दहशतवाद्यांचे प्रशिक्षण केंद्र उद्ध्वस्त करत त्यांना कठोर प्रत्युत्तर दिले आहे.
राजनाथ सिंह म्हणाले की, भारतावर झालेल्या हल्ल्याचा प्रत्युत्तर देण्यासाठी आम्ही आमचा ‘उत्तर देण्याचा अधिकार’ वापरला आहे. ही कारवाई अतिशय नियोजनबद्ध, मोजक्या स्वरूपात पार पडली आहे. दहशतवाद्यांचे मनोबल खच्ची करण्यासाठी ही कारवाई केवळ त्यांच्या शिबिरांपर्यंत आणि संबंधित इन्फ्रास्ट्रक्चरपुरती मर्यादित ठेवण्यात आली आहे.
