भारतामध्ये राहणाऱ्या एका रशियन युवतीने भारतीय मुलाशी लग्न का केले, यामागची कारणं सांगत एक व्हिडिओ सोशल मीडियावर शेअर केला आहे. ही महिला आध्यात्मिक शिक्षणासाठी भारतात आली होती, मात्र भारताची संस्कृती, वातावरण आणि लोकांमधील आपुलकी पाहून इथेच स्थायिक झाली आणि तिने एका भारतीय युवकाशी लग्न केले.
—
भारताने मन जिंकलं, प्रेमात पडून केलं लग्न
सेनिया च्वरा नावाची ही रशियन महिला सुरुवातीला काही आठवड्यांसाठी भारतात आली होती. तिला भारताची सुवासिक हवा, मंत्रमुग्ध करणारे आवाज आणि आत्मिक शांतता इतकी भावली की तिने इथेच स्थायिक होण्याचा निर्णय घेतला. पुढे तिची भेट एका भारतीय तरुणाशी झाली आणि हे नातं विवाहबंधनात बदललं.
—
‘भारतीय नवरा का निवडला?’ – तिचे तीन स्पष्ट उत्तरं
सेनियाने ‘मी भारतीय नवऱ्याशी का लग्न केलं – ३ कारणं’ या शीर्षकाखाली एक व्हिडिओ सोशल मीडियावर शेअर केला. त्यात ती आपल्या पतीसोबत आणि मुलांसोबत दिसते. व्हिडिओच्या कॅप्शनमध्ये तिने लिहिलं, “जगातील सर्वोत्तम नवऱ्याला – मी तुझ्यावर खूप प्रेम करते.”
ती पुढे सांगते:
1. तो माझ्यासाठी स्वयंपाक करतो.
2. त्याने सुंदर मुलांना जन्म दिला.
3. तो नेहमी माझी काळजी घेतो आणि प्रेमाने वागतो.
—
भारतातील अनुभवांनी बदललं आयुष्य
सेनिया ही पहिलीच महिला नाही जी भारतात येऊन इथली संस्कृती आणि प्रेमात गुंतली आहे. याआधी क्रिस्टन फिशर नावाच्या कंटेंट क्रिएटरनेही भारतातील अनुभव सांगताना १० गोष्टींचा उल्लेख केला होता, ज्यामुळे तिचं आयुष्य बदललं.
ती म्हणते, “शाकाहारी होणं, भारतीय स्वयंपाक शिकणं आणि बाजारात हुशारीने घासाघीस करणं – या सवयींमुळे माझं जीवन अधिक समृद्ध झालं.”
